Tus Kuv Ntshaw – Brian Thoj (Brian Thao)
Nghệ sĩ: Brian Thoj (Brian Thao)
Hợp Âm Chuẩn
Hauv kuv lub neej kuv ib txwm ntshaw ib tug
Uas hlub hlub kuv tsis muaj hnub chim rau kuv
Txawm muaj tej hnub kuv yuav phem phem
Hais lus nthe nthe los tsev lig lig
Los nws yeej zam lub txim.
Mus txog qhov twg los nws luag ntxhwv li ntxhi
Nrog kuv ua ke txog twg los tuav kuv teg
Thaum kuv nyuaj siab nws ua txhua yam
Kom kuv siab kaj ua kuv tus tav
Uas npuab rau kuv lub cev.
Xav kom nws yog ib puas tsav yam uas kuv ntshaw
Thaum nws nrog kuv ua ke txog qhov twg los luag ntshaw
Nws txoj kev zoo nkauj nyob hauv nws lub siab
Nws lub ncauj tsuag hais lus zoo
Nws lub siab ntev npaum li dej hiav txwv.
Hauv kuv lub neej kuv ib txwm ntshaw ib tug
Muaj lub siab loj txhawb kuv lub dag lub zog
Txawm muaj ib hnub kuv yuav txom nyem
Muaj mob muaj nkees los nws yeej nyob nrog nraim tuav kuv txhais tes.
Mus txog qhov twg los nws hlub kwv hlub tij
Hlub phooj hlub yws hlub neej hlub tsav txhua tus.
Thaum tsaus ntuj nws yog lub teeb
Rau kuv lub neej yog tus ncej txheem
Kom kuv lub neej ruaj khov..
Xav kom nws yog ib puas tsav yam uas kuv ntshaw
Thaum nws nrog kuv ua ke txog qhov twg los luag ntshaw
Nws txoj kev zoo nkauj nyob hauv nws lub siab
Nws lub ncauj tsuag hais lus zoo
Nws lub siab ntev npaum li dej hiav txwv.