Dab Ntub Hlub – Cheng Xiong
Nghệ sĩ: Cheng Xiong
CHORD
Bảng hợp âm và lời bài hát Dab Ntub Hlub – Cheng Xiong
Tone:
Kuv yog neeg raug tso mob kuv lub me siab tsis muaj leej twg pom
Vim kuv poj niam mus tham tus tshiab ua rau kuv nyuaj siab lub neej ntxhov
Kuv lub niag kua muag nws thiaj tau poob
Xyov yuav txog hnub twg kuv lub siab no thiab yuav hloov
Mam li mus pib dua tshiab
Ces muaj ib hmo kuv npau suav mus pem hav dej mus taug kev ua si
Kuv thiab li pom ib tus hluas nkauj zoo nkauj heev thiab hais lus luag ntxhi
Nws hais rau kuv txhob quaj
Luag tsis hlub los nws mam hlub
Ib me pliag kuv sawv los kuv thiab xav ua li cas npau suav txawv ua luaj
Txij thaum ntawd kuv niaj hmo npau suav pom tus hluas nkauj ntawd txhua hmo
Ces muaj ib hmo kuv npau suav nrog tus hluas nkauj ncig chaw ntawm lawv zos
Ces nws cia li muaj ib tug txiv neej caij nees tuaj
Tus txiv neej cia li los ze ze ntawm kuv tuav nkaus kiag kuv txais me tes
Nws hais kuv “Tus me tub nrog kuv mus, teb chaws no tsis yog koj vaj koj tsev”
Thaum ntawm kiag tus hluas nkauj thiab li los tuav kuv txhais tes
Nws paub hais tias yog kuv mus nws yuav tsis pom kuv ntxiv
Txoj kev hlub tiam no npam ua nkauj zaj
Puas muaj hnub ntiaj teb ciaj ua ib khub
Kuv thov lub ntuj thov lub teb
Zam kev rau wb
Kom nws cia wb sib hlub hauv dab ntub.
Sij hawm ntawd kuv thiaj li nug tus txiv neej tias nws yog leej twg
Nws thiaj li teb hais tias nws yog txiv neeb nws yuav coj kuv rov mus
Coj kuv rov qab mus vaj mus tsev
Vim kuv niam thiab txiv txhawj xeeb
Kuv thiaj li teb nws hais tias “Kuv thov txim ntshe kuv yuav tsis nrog nws mus mog”
Thov koj rov qab mus yaj ceej mus qhia kuv niam kuv txiv kuv hlub lawv mog
Vim thaum ua neej nyob saum yaj ceeb Tus yus hlub tsis hlub yus tiag tiag
Nws thiaj li muaj yus ntxias
Dag siv tag nrho yus cov nyiaj
Yus lub neej thiab li tsaus nti
Tam sim no kuv twb nrhiav tau tus neeg uas kuv zoo siab tus kuv hlub
Koj yuav hais npaum cas los kuv yuav tsis kam tig rov qab es nrog koj mus
Tus txiv neeb thiaj hais tias
“Neej nyob neej zaj nyob zaj
Yuav tsis muaj ib hnub twg dab zaj nws yuav yog neeg ntiaj teb lawm tus tav”
Thaum ntawd tus txiv neeb thiab li cem tus nkauj zaj tias
Yog tsis tso kuv nws txhob tu siab rau tus txiv neeb
Kuv tus hluas nkauj zaj quaj nthi tsis kam tso kuv sab tes
Thaum ntawm tus txiv neeb thiab txheeb nws cov khawv koob kiag
Vam leej vam com vam leej va com.
Txoj kev hlub tiam no npam ua nkauj zaj
Puas muaj hnub ntiaj teb ciaj ua ib khub
Kuv thov lub ntuj thov lub teb
Zam kev rau wb
Kom nws cia wb sib hlub hauv dab ntub.
Thaum kuv nco qab ces kuv cia li sawv los hauv kuv lub me hoob txaj
Kuv thiaj li pom kuv niam kuv txiv, kuv nug lawm tias yog ua li cas
Ua li cas kuv thiaj nyob no
Kuv nco qab mas kuv tsis nyob no
Thiab vim li cas nkawv hos ob leeg nyob nraim ntawm kuv ib sab no
Nkawd thiaj li qhia kuv tias kuv tsaug zog ib
hnub no nkawd ob leeg tsa kuv tsis txawj xeev los li
Nkawd thiaj li txhawj txog kuv thiab li mus nriav txiv neeb tuaj saib kuv
Vim ob peb hnub dhau los kuv cov txawv txawv li
Kuv thiaj li nug kuv niam txiv neeb nyob twg
“Txiv neeb koj siab phem! Koj tua kuv tus me hluas nkauj pov tseg!”
Ntshe zaum no kuv yuav nyob kuv ib leeg Tsis muaj nws los nyob ze
Tus txiv neeb thiaj hais tias “Thov txim os tub, vim lub ntuj yeej tso kuv los pab neeg”
Kuv cia li nyob ib twg chim chim, tu tu siab ua tsis tau dab tsi
Ntshe tiam no nqa tau daim ntawv ntuag los yog vim dab tsi
Ntshe yus muaj kev txhaum tiam tag los yus theej lub txim
Ntshe yus lam nyob lwj siab
Tiam no saib fab lwm tiam dab ntub hlub wb puas yuav muaj ntxiv.
Txoj kev hlub tiam no npam ua nkauj zaj
Puas muaj hnub ntiaj teb ciaj ua ib khub
Kuv thov lub ntuj thov lub teb
Zam kev rau wb
Kom nws cia wb sib hlub hauv dab ntub.