Plam Koj Tim Vaj Loog Tsua – Yee Lee (Mr. FBI)
Nghệ sĩ: Yee Lee (Mr. FBI)
Hợp Âm Chuẩn
Yeej paub zoo tiag thaum ntawd kuv tseem txom nyem
Es wb txoj kev sib hlub thiaj mus tsis taug
Tsis yog cov laus thiab tsis yog tim UN
Es wb txoj kev npau suav thiaj li xaus tim Vaj Loog Tsua.
Ncaim Vaj Loog Tsua tuaj txog rau Australia
Los kuv tseem khiav tsis dhau txoj kev nco koj
Es koj puas nco wb tej lus tim pas ntses
Thiab wb mus tom PhouKhe
Tau hais tseg koj puas nco lawm.
Vim yav tag los thaum nyob Vaj Loog Tsua
Wb yeej muaj txoj kev sib hlub los ntev
Vim kuv txom nyem kuv thiaj li ua tsis tau
Li koj niam koj txiv txoj kev ntshaw thiaj tsis tau koj.
Vim tseem txom nyem kuv thiaj tsis muaj cuab kav
Kuv nqa lub kaus tuaj khuam tom nej tsev nqis tsev hais koj
Thiaj tu siab nrho thaum koj muaj npe mus Mekas
Kua muag poob ntag tsis paub yuav ua li cag.
Khuv xim tshaj plaws thaum nyob Vaj Loog Tsua
Wb yeej muaj txoj kev sib hlub los ntev
Vim kuv txom nyem kuv thiaj li ua tsis tau
Li koj niam thiab koj txiv txoj kev ntshaw thiaj tsis tau koj.
Kuv tu siab nrho thaum uas koj nce dav hlau
Wb kev nkauj nraug thiaj tu txij hnub ntawd los
Koj muab kuv tso pog tseg tim Vaj Loog Tsua.
Tsis ua li wb tej lus uas tau hais tseg cia tim vav
Thiaj seev lub suab no tuaj hais qhia rau koj
Tiag kuv tseem nco ntsoov koj tsis ploj ib pliag
Yog tiag muaj hnub koj tau tig rov qab los
Nco ntsoov tiag kuv tseem nyob tim Australia tos koj xwb mog..